മാനസാന്തരഗീതം

മാനസാന്തരഗീതം

ഒരുക്കുവിൻ വീഥികള്, ഒരുക്കുവിൻ വീഥികള്

നാഥനാം കർത്തന്നായ് ഈ മരുഭൂമിയതിൽ

ഉയർന്നു നിൽക്കും കുന്നുകളൊക്കെയും താണുവന്നിടണം

വളഞ്ഞുപോയൊരാ നമ്മുടെ വഴികളെ നിവർത്തിയെടുത്തിടേണം

താണുകിടക്കുമീ താഴ് വരയെല്ലാം ഉയർന്നുവന്നിടണം

അഗ്നികൊണ്ടൂഴിയെ സ്നാനം കഴിപ്പിക്കും നീതിസൂര്യൻ വരുന്നു

പതിരുകളാകവേ പാറ്റിയകറ്റുന്ന പാവനറൂഹാ വരുന്നു

ഫലമൊന്നുമേകാത്ത പാഴ്മരമൊക്കയും നീക്കും ദിനം വരുന്നു.

അണലികുഞ്ഞുങ്ങളേ, ആസന്നശിക്ഷയിൽ തെറ്റിയൊഴിഞ്ഞിടുമോ?

അബ്രാഹാമിനു സന്തതിയേകുവാൻ അവനീശിലകളുംയോഗ്യമല്ലേ?

മരണനിഴലുകള് മാറുകയില്ലേ ഉന്നതമാം ഉദയെ?

അനുതപിക്കുവിൻ, തിന്മവിട്ടോടുവിൻ, സത്ഫലമേകിടുവിൻ

ആസന്നമായൊരാ സ്വർഗ്ഗീയരാജ്യത്തിൽ ആശയർപ്പിച്ചിടുവിൻ

സകലജനത്തിനും ദൈവികരക്ഷയിൻ പാതയൊരുക്കിടുവിൻ