Ekkara

ബാലായിയുടെ ബോവൂസോ

ഒന്നാം നിറം

Malko Saleeth hoo, bhoon olmo d obar

Kohno Saleeth hoo, bathreihoon olme.

വചനിപ്പ്

കന്യകയാം മറിയാം പ്രാര്‍ത്ഥിക്കും നേരം

ഗബ്രീയേല്‍ ദൂതന്‍ വിണ്‍ദൂതറിയിച്ചു

ശ്ലോമ്മോ മറിയാമേ, കര്‍ത്തന്‍ നിന്‍ ചാരേ

നാരികളില്‍ ധന്യേ, വാഴ്വെഴും നിന്‍ ഉദരഫലം

പാവന കന്യകയേ, ദൈവത്തിന്‍ ജനനി

പാപികളടിയാര്‍ക്കായ് പ്രാര്‍ത്ഥിച്ചീടണമേ.

രണ്ടാം നിറം

Kulnosh bkulethon, naise al boleh

Mautho Geehano dheeno Malkooso.

തിരുജനനം

വചനം ജഢമായി, പാരിനു പ്രഭയായി

മറിയാമിന്‍ മകനായ്, പൊരുളുകള് വെളിവായ്

ലോകപുരാതനനൊ ദാവീദിന്‍ സുതനായ്

അരൂപനപരിമിതന്‍ ശിശുവായ് ജനിയാര്‍ന്നു

വിണ്മയര്‍ പാര്‍ക്കുന്നു മണ്മയര്‍ ആര്‍ക്കുന്നു

കാഴ്ചകള്‍ അര്‍പ്പിപ്പൂ വിദ്വാന്മാരവരും

വരുവിന്‍ സോദരരേ, വരുവിന്‍ സ്തുതി പാടാം

സ്തോത്രം സറ്വ്വേശാ, രക്ഷാദായകനേ.

മൂന്നാം നിറം

Men dh boye la olmo, Mautho le boye

Mautho Kosa hoo, d kulnosh Shothe leh

മാമോദീസാ

ദൈവതനൂജനവന്‍ യോര്‍ദ്ദാന് നദിയാര്‍ന്നു

യോഹന്നാനീന്നും സ്നാനമതേറ്റിടുവാന്‍

ലോകത്തിന്‍ പാപം പേറും കുഞ്ഞാടോ

ശാപം നീക്കുന്ന സ്നാനം സ്ഥാപിച്ചു.

യൂദായിന്‍ സിംഹം യോഹന്നാനീന്നും

പൌരോഹിത്ത്യത്തിന്‍ പിന്‍വഴി പ്രാപിച്ചു

താതന്‍ പ്രീതിതനാം സുതനില്‍ ആവാസം

ചെയ്താന്‍ റൂഹായും പ്രാവിന്നാകൃതിയില്‍

താതനുമാത്മജനും റൂഹായും ചേരും

പാവനത്രിത്വത്തെ വാഴ്ത്തുക സോദരരേ.

നാലാം നിറം

Hav Bone Beertho, Kabaro umreh hoo

Kabaro Tharvo hoo, d kulnosh oyel beh

പരസ്യശുശ്രൂഷ

ആദാമിന്‍ സുതരെ പാപക്കുഴിയീന്നും

പറുദീസായേറ്റാന്‍ മശിഹായാഗതനായ്...

ശാന്തിദൂതുകളാം സ്നേഹഗീതികളിന്‍

രാജ്യസുവിശേഷം ലോകരെ അറിയിച്ചു

മുടന്തനു മന്ധനും കൂനിക്കുമെല്ലാ..

രോഗാര്‍ത്തന്മാര്‍ക്കും സൌഖ്യമവനേകി

വിശ്വസിച്ച് അവനെ അനുഗമിപ്പോര്‍ക്കായ്

നിത്യരാജ്യമതും വാഗ്ദാനം ചെയ്തു.

കര്‍ത്തൃനാമത്തിലാഗതനായവനാം

ദാവീദിന്‍ സുതന്‍ വാഴ്ത്തപ്പെട്ടവനാം.

അഞ്ചാം നിറം

Aino Damsane Moriyo Sohedh Beh

Vaino damgadhef Moriyo dhoyen leh.

തിരുവത്താഴം

പൊരുളുകളാല്‍ നിറയും പെസഹായിന്‍ പെരുന്നാള്‍

തന്നില്‍ വെളവായി സ്വര്‍ഗ്ഗീയം മര്‍മ്മം

പെസഹാക്കുഞ്ഞാടായ് മശിഹായാഗതനായ്

സെഹിയോന്‍ മാളികയില് തന്ശ്ലീഹരുമൊപ്പം.

തന്‍തിരുപാണിയതില് അപ്പമെടുത്തേശു

സ്തോത്രം ചെയ്തതിനെ വാഴ്ത്തി വിഭജിച്ചു.

പാരിനു പുതുജീവന്‍ നല്കാന്‍ വിഭജിതമാം

മമദേഹമിതെന്നോതി ഗുരുനാഥന്‍

മുന്തിരിരസമതിന്‍ കാസായെ വാഴ്ത്തി

പുതുയനിയമത്തിന്‍ രുതിരം എന്നരുളി

തന്‍വരവുവരെയുമതു തുടാരാനുര ചെയ്ത്

തിരുബലി സ്ഥാപിച്ച മശിഹായെ സ്തോത്രം.

ആറാം നിറം

Mathai dh Moos Noshe Markose dh Moos Aryo

Lookose dh Moos Thauro, Yoohanon d Nesro.

ക്രൂശാരോഹണം

പാപവിഹീനനാം പരമേശസുതനെ

പാപികള്‍ പിടികൂടി വിസ്താരം ചെയ്തു

സത്യസ്വരൂപന്നെ കൊലചെയ്തീടാനായ്

യൂദാജനമഖിലം നിലവിളികൂട്ടുകയാല്

യേശുമഹേശന് തന് ഇരുപാണികളിലും

ആണിയടിച്ചേറ്റി തരുവില് ക്രൂശിച്ചു

പൊരുളുകള്‍ നിറവേറ്റി ദൈവികമാം മേഷം

ലോകത്തിന്‍ പാപം നീക്കും ബലിയായി.

മമപാപംപോക്കാന്‍ പാടുകള് ഏറ്റവനേ,

തവകരമതിലെന്നെ അര്‍പ്പിച്ചീടുന്നു.

ഏഴാം നിറം

Ber Labook Lemok, Yakar Ak dafkeedh

dh Nehveh Lok Shafeer, Vadhneerkoon Hayaik.

ഉയറ്പ്പും സ്വറ്ഗ്ഗാരോഹണവും

പാപവേതനമാം മരണകവാടങ്ങള്‍

മശിഹാതന്മരണാല്‍ ഭേദനം ചെയ്തു

മൂന്നാം നാളേശു കബറീന്നുയിരാണ്ടു

ആദാമ്യര്‍ക്കായി മോചനമറിയിച്ചു

പാപമരണത്തിന് ഭീതിയെ നീക്കുന്ന

ഞായര്‍നാള്‍ നിത്യപെരുന്നാളായി മാറി

നാല്പതാം നാളില്‍ ഒലിവുമലയീന്നും

മശിഹാ നാഥനവന്‍ സ്വര്‍ഗ്ഗാരോഹിതനായ്.

പാടുക സ്തുതി ഗീതം വാഴ്ത്തുക തിരുനാമം

സ്തോത്രം സ്തോത്രം തേ യേശുമഹേശ്വരനേ.

എട്ടാം നിറം

Sobe Valaimeh Vathloye Sabareh

Mautho Ak Aryo Nehthoofkoon Menshel.

പുനരാഗമനം

ക്രിസ്തുദേവനവന്‍ നമ്മേ ചേര്‍ത്തുടുവാന്‍

വാനമേഘമതില്‍ ഉടനാഗതനാകും

ദൈവദൂതന്‍ തന്‍ കാഹളധ്വനികേട്ട്

മൃതരെല്ലാം ദൃതിയില്‍ ഉദ്ദാനം ചെയ്യും

തന് വരവതിനായ് നോക്കി പാര്‍ക്കുന്നോര്‍

അവനെ എതിരേല്‍പ്പാന്‍ വേഗം അണഞ്ഞീടും

സുകൃതികള്‍ സൌഭാഗ്യം നേടും, ദുഷ്കൃതരോ

ദണ്ഡനവിധിയേല്ക്കും നാളുകള്‍ വരവായ്.

ഉണരുക സോദരരേ, നന്മകള്‍ ചെയ്തിടുവാന്‍

കര്‍ത്തൃപാദത്തില്‍ ശരണം തേടിടുവാല്‍.